كلمات القصيدة:
يا مصباح الهدى شلون انطفى المصباح
قناديلك علت بالطف بروج رماح
توسدت الصعيد وخنصرك مبتور
وتيجانك على بروج الرماح تنور
على رغم الظلام تبدد الديجور
ومن دمك نسج وجه الخليقة وشاح
علت شمسك جريحة وطفت الانوار
بس نورك تجلى بعالم الاسرار
على شمس النوايب دارت الاقمار
تاتم بجراحك والصلاة جراح
قناديلك ترتل مصحفك ترتيل
بايات الدموع الحيرت جبريل
ترانيم القلوب ودمعة الانجيل
مزامير الزبور على الزمان انياح
على بروج الرماح ايات تتالم
على حس الضعينة تهل دموع ودم
ولو زينب بشت بالحال تتبسم
وتتبدل تراتيل القداسة صياح
سرت بالكون شعلة بهالة التقديس
غمام النور طوق جاسم العريس
هامت حامي ضعونك تحامي العيس
هيبة ويه الحرم ترعى الطفل لو طاح
شم حيدر نزف فوق الرماح جروح
وشم كسرة ضلع فوق الهزيلة تنوح
شم دمعة طفح بيها الصبر مذبوح
مشت ويه الضعينة بولية الذباح
يا مصباح الهدى شلون انطفى المصباح
قناديلك علت بالطف بروج رماح
ليست هناك تعليقات:
إرسال تعليق